Azərbaycanda BENZİN bahalaşa bilər
- 27 May, 2026
Azərbaycanda benzin bahalaşa bilər: Gözləntilər və ekspert şərhləri
Dünya bazarında enerji daşıyıcılarının qiymətində müşahidə olunan dalğalanmalar və region ölkələrində yanacağın bahalaşması fonunda Azərbaycanda da benzin qiymətlərinin artırılması ilə bağlı müzakirələr yenidən gündəmə gəlib.
İqtisadçı ekspertlər yanacaq qiymətlərinin formalaşmasında bir neçə əsas amilin rol oynadığını qeyd edirlər. Mütəxəssislərin fikrincə, baxmayaraq ki, Azərbaycanda Aİ-92 markalı benzin və dizel yanacağının böyük hissəsi yerli istehsal hesabına təmin olunur, logistika xərclərinin artması, neft emalı sahəsindəki modernləşmə xərcləri və dövlətin büdcə-vergi siyasəti gələcəkdə qiymət dəyişikliyini şərtləndirə bilər.
Liberal İqtisadçılar Mərkəzinin sədri Akif Nəsirli bildirib ki, Azərbaycanda yanacaq qiymətləri bazar prinsipləri ilə deyil, dövlət tərəfindən tənzimləndiyi üçün dünya bazarındakı dəyişikliklər daxili bazara birbaşa və dərhal təsir göstərmir:
"Yaxın dövrdə kəskin qiymət artımı ehtimalı yüksək görünmür. Bununla belə, son illərdə yanacaq qiymətlərinə edilən düzəlişlər göstərir ki, hökumət zəruri hesab etdiyi halda qiymət artımına gedə bilər. Mövcud şəraitdə benzinin bahalaşması tam istisna olunmur, lakin yaxın aylarda kəskin artım ehtimalı aşağı qiymətləndirilir".
Qeyd edək ki, hazırda ölkədə Aİ-92 markalı benzinin və dizel yanacağının qiyməti Tarif Şurası tərəfindən tənzimlənir. Aİ-95 (Premium) markalı benzinin qiyməti isə bazar mexanizmlərinə uyğun olaraq tənzimlənmir və təchizatçı şirkətlər tərəfindən müəyyən edilir.
Şərh yaz
Xanaları doldurun*
Axtarış
Xəbərlər
Awesome News & Blog Theme For Your Next Project
Buy Now
.jpg)
